اوتھل، وایارو کے قریب قومی شاہراہ پر مسافر کوچ اور مزدا ٹرک میں تصادم، خواتین و بچوں سمیت 12 افراد زخمی

لسبیلہ ڈویژن کے ہیڈکوارٹر اوتھل کے حدود میں وایارو کے قریب قومی شاہراہ پر مسافر کوچ اور مزدا ٹرک کے درمیان تصادم کے نتیجے میں خواتین اور بچوں سمیت 12 افراد زخمی ہوگئے۔مرک 1122 ٹیارو کے ذرائع کے مطابق گزشتہ شب حادثے کی اطلاع پولیس چوکی وایارو کی جانب سے ریسکیو ٹیم کو موصول ہوئی، جس پر میڈیکل ٹیم نے فوری کارروائی کرتے ہوئے جائے حادثہ پر پہنچ کر زخمیوں کو ریسکیو کیا۔ریسکیو ٹیم نے تمام زخمیوں کو مرک 1122 ٹیارو سینٹر منتقل کیا، جہاں انہیں ابتدائی طبی امداد فراہم کی گئی۔ بعد ازاں شدید زخمیوں کو مزید علاج کے لیے ڈسٹرکٹ ہیڈکوارٹر ہسپتال اوتھل منتقل کردیا گیا جہاں سے شدید زخمیوں کو کراچی ریفر کردیا گیا۔