رحمان بابا ایکسپریس حادثے کے جاں بحق افراد کے لواحقین کو فی کس ایک کروڑ روپے معاوضہ دیا جائے، راؤ عبدالنعیم خاں

رحمان بابا ایکسپریس حادثہ حکومتی دعوؤں پر سوالیہ نشان قیمتی انسانی جانوں کے ضیاع پر خاموشی یا رسمی بیانات کافی نہیں جانبحق افراد کے لواحقین کو فی کس ایک کروڑ روپے معاوضہ دیا جائے راؤ عبدالنعیم خاں

مظفرگڑھ (رانا رضوان احمد) رحمان بابا ایکسپریس حادثے نے انسانی جانوں کے تحفظ اور انتظامی اقدامات پر سنگین سوالات کھڑے کر دیے، غمزدہ خاندانوں کو تنہا نہیں چھوڑیں گےحکومت پنجاب جاں بحق افراد کے لواحقین کو فی کس ایک کروڑ روپے فوری معاوضہ ادا کرے اور زخمیوں کے علاج معالجے سمیت مالی امداد یقینی بنائے امیدوار قومی اسمبلی راؤ عبدالنعیم خاں نے حادثے پر شدید افسوس کا اظہار کرتے ہوئے مطالبہ کیا کہ واقعے کی غیرجانبدارانہ تحقیقات کروا کر ذمہ داروں کا تعین کیا جائے اور غفلت ثابت ہونے پر انہیں قانون کے مطابق سخت سزا دی جائے انہوں نے کہا کہ حادثے کے بعد ڈیڑھ سالہ بچی کا سراغ نہ ملنا انتہائی تشویش ناک ہے متعلقہ ادارے بچی کی تلاش کے لیے فوری اور مؤثر اقدامات کریں اور متاثرہ خاندان کو ہر ممکن تعاون فراہم کریں۔ راؤ عبدالنعیم خاں نے کہا کہ عوامی تحفظ کے دعوے اسی وقت قابلِ اعتبار ہوں گے جب متاثرین کو فوری انصاف شفاف تحقیقات اور عملی ریلیف ملے گا؛ قیمتی انسانی جانوں کے ضیاع پر خاموشی یا رسمی بیانات کافی نہیں ذمہ داروں کا احتساب اور متاثرہ خاندانوں کی داد رسی ناگزیر ہے