سونے کی قیمت میں 3روزہ وقفے کے بعد اضافہ

کراچی، 30 ستمبر 2026: عالمی اور مقامی مارکیٹ میں تین روزہ وقفے کے بعد سونے اور چاندی کی قیمتوں میں ایک بار پھر اضافہ ہوگیا۔

بین الاقوامی بلین مارکیٹ میں فی اونس سونے کی قیمت 43 ڈالر اضافے سے 4 ہزار 191 ڈالر کی سطح پر پہنچ گئی۔

عالمی مارکیٹ میں سونے کی قیمت بڑھنے کے اثرات پاکستان کی صرافہ مارکیٹ پر بھی پڑے، جہاں فی تولہ سونا 4 ہزار 300 روپے مہنگا ہوکر 4 لاکھ 41 ہزار 636 روپے کا ہوگیا۔

اسی طرح 10 گرام سونے کی قیمت میں 3 ہزار 686 روپے کا اضافہ ہوا، جس کے بعد نئی قیمت 3 لاکھ 78 ہزار 631 روپے کی سطح پر پہنچ گئی۔

دوسری جانب چاندی کی قیمت میں بھی اضافہ ریکارڈ کیا گیا۔ فی تولہ چاندی 20 روپے اضافے سے 6 ہزار 578 روپے جبکہ 10 گرام چاندی 17 روپے اضافے سے 5 ہزار 639 روپے کی ہوگئی۔