سریاب روڈ گرین ٹاؤن کے قریب فائرنگ ،2 افراد جاں بحق

کوئٹہ: سریاب روڈ گرین ٹاؤن کے قریب فائرنگ کے واقعے میں 2 افراد جاں بحق ہوگئے۔

ڈی ایس پی سریاب طالب حسین کے مطابق جاں بحق افراد کی شناخت غلام سرور اور بہاول کے نام سے ہوئی ہے۔ ابتدائی تحقیقات کے مطابق غلام سرور نے فائرنگ کرکے بہاول کو قتل کیا۔

ڈی ایس پی کے مطابق بعد ازاں مسلح افراد نے غلام سرور سے اسلحہ چھین لیا اور اسے بھی فائرنگ کرکے قتل کردیا۔

پولیس نے واقعے کی مزید تحقیقات شروع کردی ہیں اور فائرنگ کے واقعے کے محرکات معلوم کیے جا رہے ہیں۔