بلوچستان میں سیکیورٹی فورسز کا آپریشن؛ فتنۃ الہندوستان کے 4 دہشت گرد ہلاک

پنجگور: بلوچستان کے ضلع پنجگور میں سیکیورٹی فورسز کی کارروائی کے دوران فتنۃ الہندوستان سے وابستہ 4 دہشت گرد ہلاک ہوگئے۔

سیکیورٹی ذرائع کے مطابق اپھان کوہ، پروم کے علاقے میں دہشت گردوں کی موجودگی کی اطلاع پر سیکیورٹی فورسز نے آپریشن کیا۔ کارروائی کے دوران فورسز اور دہشت گردوں کے درمیان شدید فائرنگ کا تبادلہ ہوا، جس کے نتیجے میں 4 دہشت گرد مارے گئے۔

ذرائع کے مطابق ہلاک دہشت گردوں کے قبضے سے بھاری مقدار میں جدید اسلحہ اور گولہ بارود بھی برآمد کیا گیا۔

سیکیورٹی فورسز کی جانب سے علاقے میں سرچ آپریشن جاری ہے، جبکہ ذرائع کا کہنا ہے کہ دہشت گردوں کے خلاف کارروائیاں آخری دہشت گرد کے خاتمے تک جاری رہیں گی۔