بلوچستان کے معذور سرکاری ملازمین کیلئے بڑی خوشخبری، الاؤنس میں اضافہ

کوئٹہ: حکومت بلوچستان نے معذور سرکاری ملازمین کے لیے خصوصی کنوینس الاؤنس میں اضافہ کردیا۔

محکمہ خزانہ بلوچستان کی جانب سے اس حوالے سے باقاعدہ نوٹیفکیشن جاری کردیا گیا ہے، جس کے مطابق خصوصی کنوینس الاؤنس 4 ہزار روپے سے بڑھا کر 10 ہزار روپے ماہانہ کردیا گیا ہے۔

نوٹیفکیشن کے مطابق نظرثانی شدہ الاؤنس یکم جولائی 2026 سے نافذ العمل ہوگا اور یہ معمول کے کنوینس الاؤنس کے علاوہ دیا جائے گا۔

اعلامیے کے مطابق معذور کوٹے پر بھرتی ہونے والے سرکاری ملازمین اور میڈیکل بورڈ کی جانب سے معذور قرار دیے گئے ملازمین اس الاؤنس کے حقدار ہوں گے۔