وڈھ میں مسلح افراد کا کیمپ پر حملہ، پولیس اہلکار سمیت 5 افراد جاں بحق

خضدار: وڈھ کے نواحی علاقے آڑینجی میں مسلح افراد نے کیمپ کے قریب قائم چوکی پر حملہ کردیا، فائرنگ کے نتیجے میں چار محافظوں سمیت ایک پولیس اہلکار جاں بحق ہوگیا۔

ذرائع کے مطابق جاں بحق افراد میں عبدالحئی، نعمت اللہ، یحییٰ، نصیر احمد اور پولیس سپاہی نور محمد شامل ہیں۔

فائرنگ کے واقعے میں عبید اللہ نامی شخص کے زخمی ہونے کی بھی اطلاع ہے۔

ذرائع کا کہنا ہے کہ مسلح افراد نے شفیق مینگل کے کیمپ کے قریب قائم چوکی کو نشانہ بنایا اور کارروائی کے بعد فرار ہوگئے۔

واقعے کے بعد پولیس اور دیگر قانون نافذ کرنے والے اداروں نے علاقے میں کارروائی شروع کردی، جبکہ واقعے کی مزید تحقیقات جاری ہیں۔