مستونگ میں زمینداروں کے باغات کی مبینہ کٹائی، تشویش کی لہر

مستونگ: کھڈ کوچہ کے علاقے میں زمینداروں کے باغات میں درختوں کی مبینہ کٹائی کی اطلاعات سامنے آئی ہیں، جس پر مقامی زمینداروں نے تشویش کا اظہار کیا ہے۔

مقامی زمینداروں کے مطابق باغات میں کئی سال کی محنت سے تیار کیے گئے قیمتی اور پھلدار درخت کاٹے جا رہے ہیں، جس سے انہیں مالی نقصان کا سامنا کرنا پڑ سکتا ہے۔

علاقہ مکینوں کا کہنا ہے کہ باغات مقامی لوگوں کی آمدن اور روزگار کا اہم ذریعہ ہیں، اس لیے درختوں کی کٹائی سے زرعی سرگرمیاں متاثر ہونے کے ساتھ علاقے کی معیشت پر بھی منفی اثر پڑنے کا خدشہ ہے۔

متاثرہ زمینداروں نے متعلقہ حکام سے مطالبہ کیا ہے کہ معاملے کا فوری نوٹس لے کر صورتحال کی تحقیقات کی جائیں اور اگر درختوں کی کٹائی جاری ہے تو اسے روکا جائے۔

دوسری جانب اس معاملے پر فورسز یا متعلقہ سرکاری حکام کی جانب سے تاحال کوئی باضابطہ مؤقف سامنے نہیں آیا۔