کوئٹہ: ہزارگنجی میں شالکوٹ تھانے پر دستی بم حملہ، پولیس اہلکار اور راہگیر زخمی

کوئٹہ: ہزارگنجی کے علاقے میں شالکوٹ تھانے پر نامعلوم حملہ آوروں نے تین دستی بم پھینک دیے، جس کے نتیجے میں ایک پولیس اہلکار اور ایک راہگیر زخمی ہوگئے۔

پولیس کے مطابق حملے کے فوراً بعد زخمیوں کو طبی امداد کے لیے اسپتال منتقل کردیا گیا، جبکہ حملہ آور کارروائی کے بعد فرار ہوگئے۔

واقعے کے بعد پولیس اور سیکیورٹی فورسز نے علاقے میں سیکیورٹی مزید سخت کرتے ہوئے ملزمان کی گرفتاری کے لیے سرچ آپریشن شروع کردیا ہے۔ پولیس کا کہنا ہے کہ حملہ آوروں کی تلاش جاری ہے۔