ایس ایس پی ریلوے کراچی خرم خورشید کی آمد، ریلوے ملازمین میں خوشی کی لہر دوڑ گئی

سکھر (رپورٹ: اسلم سومرو) ایس ایس پی ریلوے کراچی خرم خورشید کی آمد اور نئی ذمہ داریاں سنبھالنے پر ریلوے پولیس کے افسران، جوانوں اور ریلوے ملازمین میں خوشی کی لہر دوڑ گئی۔ ریلوے ملازمین نے خرم خورشید کی تعیناتی کا خیرمقدم کرتے ہوئے اسے ریلوے پولیس کے لیے نیک شگون قرار دیا اور امید ظاہر کی کہ ان کے تجربے، پیشہ ورانہ صلاحیتوں اور بہترین انتظامی حکمت عملی سے محکمہ ریلوے پولیس کی کارکردگی مزید بہتر ہوگی۔
ریلوے پولیس کے ملازمین کا کہنا ہے کہ ایس ایس پی ریلوے کراچی خرم خورشید ایک فرض شناس، متحرک اور باصلاحیت پولیس افسر کی حیثیت سے اپنی ذمہ داریاں احسن انداز میں نبھانے کے حوالے سے اچھی شہرت رکھتے ہیں۔ ان کی قیادت میں ریلوےاسٹیشنوں پر سکیورٹی کے نظام کو مزید مؤثر بنانے، مسافروں کو تحفظ فراہم کرنے، امن و امان کی صورتحال بہتر رکھنے اور ریلوے املاک کی حفاظت کے لیے مؤثر اقدامات کی توقع کی جا رہی ہے ملازمین نے کہا کہ کسی بھی ادارے کی ترقی اور بہتری میں افسران اور ملازمین کے درمیان بہتر رابطہ، اعتماد اور باہمی تعاون بنیادی کردار ادا کرتا ہے۔ امید ہے کہ ایس ایس پی ریلوے کراچی خرم خورشید ماتحت افسران اور ملازمین کے مسائل کو ترجیحی بنیادوں پر سنیں گے اور ان کے جائز مسائل کے حل کے لیے عملی اقدامات کریں گے، جس سے ریلوے پولیس کے جوان مزید محنت، لگن اور جذبے کے ساتھ اپنے فرائض سرانجام دے سکیں گے ریلوے ملازمین نے ایس ایس پی ریلوے کراچی خرم خورشید کو نئی ذمہ داریاں سنبھالنے پر مبارکباد پیش کرتے ہوئے ان کے لیے نیک خواہشات کا اظہار کیا۔ ملازمین کا کہنا تھا کہ خرم خورشید کی آمد سے ریلوے پولیس کے جوانوں کے حوصلے بلند ہوئے ہیں اور توقع ہے کہ ان کی قیادت میں ریلوے پولیس کے سکیورٹی نظام کو مزید مضبوط، مؤثر اور عوام دوست بنایا جائے گا۔