بھاگ ناڑی میں دہشت گردی کا بڑا منصوبہ ناکام، حملہ آور ہلاک

کچھی: ضلع کچھی کی تحصیل بھاگ ناڑی میں دہشت گردی کا بڑا منصوبہ ناکام بنا دیا گیا۔ شرپسند عناصر نے مقامی پولیس تھانے پر اچانک حملہ کیا، تاہم سیکیورٹی فورسز اور مقامی شہریوں نے فوری ردعمل دیتے ہوئے حملہ آوروں کا مقابلہ کیا۔

فائرنگ کے تبادلے میں شہریوں نے سیکیورٹی اہلکاروں کے ساتھ مل کر بہادری کا مظاہرہ کیا۔ سیکیورٹی فورسز اور عوام کی بروقت کارروائی کے نتیجے میں حملہ آوروں کو ہلاک کر دیا گیا اور دہشت گردی کی کوشش ناکام بنا دی گئی۔

حکام کے مطابق واقعے کے بعد علاقے میں سیکیورٹی مزید سخت کر دی گئی ہے جبکہ حملے میں ملوث عناصر کے دیگر ساتھیوں کی تلاش بھی جاری ہے۔