نوڈیرو میں بجلی کا کرنٹ لگنے سے نوجوان رحمان علی جاں بحق

نوڈیرو(رپورٹ:عابد بھٹو) بجلی کا کرنٹ لگنے سے نوجوان جاں بحق ،نوڈیرو شہر کے پیر گوٹھ محلے کے رہائشی نوجوان رحمان علی ولد غلام عباس چنہ بجلی کا کرنٹ لگنے سے فوت ہو گیا ہے۔ نوجوان رحمان گھر میں بجلی کا کام کر رہا تھا کہ اچانک تار سے کرنٹ لگنے کے باعث بے ہوش ہو گیا۔ اسے فوری طور پر نوڈیرو گورنمنٹ اسپتال منتقل کیا گیا لیکن وہاں پہنچنے سے پہلے ہی وہ دم توڑ گیا۔اسپتال میں ضروری کارروائی کے بعد نوجوان کی لاش کو ورثاء پیر گوٹھ محلے میں گھر لے کر آئے تو گھر میں کہرام مچ گیا۔