فیلڈ مارشل عاصم منیر کل تہران کا دورہ کریں گے، ایرانی وزارت خارجہ

تہران: ایرانی وزارت خارجہ کے ترجمان اسماعیل بقائی نے کہا ہے کہ فیلڈ مارشل عاصم منیر پیر کو تہران کا دورہ کریں گے، جہاں وہ اہم ایرانی حکام سے ملاقاتیں کریں گے۔

اسماعیل بقائی کے مطابق فیلڈ مارشل عاصم منیر کے دورے کا مقصد پاکستان اور ایران کے درمیان دوطرفہ تعاون کو مزید مضبوط بنانا ہے۔ ملاقاتوں میں باہمی دلچسپی کے امور، علاقائی صورتحال اور دوطرفہ تعاون کے فروغ پر تبادلہ خیال کیا جائے گا۔

ایرانی وزارت خارجہ کے ترجمان نے کہا کہ فیلڈ مارشل عاصم منیر کا دورہ خطے میں امن و سلامتی کے فروغ کے لیے پاکستان کی کوششوں کا تسلسل ہے۔ دونوں ممالک کے درمیان تعاون کو مزید وسعت دینے کے حوالے سے بھی اہم امور زیرِ بحث آنے کا امکان ہے۔