ایم پی اے مولوی نور اللہ سے ایس ڈی او سہیل اور خیر اللہ کی ملاقات

ایم پی اے مولوی نور اللہ سے ایس ڈی او سہیل اور خیر اللہ کی ملاقات

قلعہ سیف اللہ (پریس رپورٹر: خیر اللہ کاکڑ): ایم پی اے قلعہ سیف اللہ مولوی نور اللہ سے ایس ڈی او سہیل اور خیر اللہ نے ملاقات کی، جس میں علاقے میں بجلی سے متعلق درپیش مسائل اور ان کے حل کے حوالے سے تفصیلی تبادلہ خیال کیا گیا۔

ملاقات کے دوران بالخصوص 11 ہزار وولٹ بجلی کی لائن کی اپ گریڈیشن اور دیگر متعلقہ امور زیرِ بحث آئے۔ اس موقع پر علاقے کے عوام کو بجلی کی فراہمی کے حوالے سے درپیش مشکلات اور لائن کی بہتری کی ضرورت پر بھی گفتگو کی گئی۔

ایم پی اے مولوی نور اللہ نے یقین دہانی کرائی کہ 11 ہزار وولٹ لائن کو اپ گریڈ کرانے کے لیے ہر ممکن اقدامات کیے جائیں گے اور علاقے میں بجلی کے مسائل کے مستقل حل کے لیے متعلقہ حکام سے رابطہ کیا جائے گا۔

انہوں نے کہا کہ عوام کو بنیادی سہولیات کی فراہمی اور بجلی سے متعلق مسائل کا حل ان کی ترجیحات میں شامل ہے، اس سلسلے میں متعلقہ اداروں کے ساتھ مل کر عملی اقدامات کیے جائیں گے۔