خیبرپختونخوا میں بلدیاتی حلقہ بندیوں کا عمل مؤخر، الیکشن کمیشن کا فیصلہ

اسلام آباد: الیکشن کمیشن آف پاکستان نے خیبرپختونخوا کے 7 اضلاع میں بلدیاتی حلقہ بندیوں کا عمل تاحکم ثانی مؤخر کر دیا۔

الیکشن کمیشن کی جانب سے جاری نوٹیفکیشن کے مطابق خیبر، کرم، مانسہرہ، ملاکنڈ، شانگلہ، اپر چترال اور باجوڑ میں جاری حلقہ بندیوں کا عمل روک دیا گیا ہے۔

کمیشن کے مطابق یہ فیصلہ خیبرپختونخوا لوکل گورنمنٹ ایکٹ میں ترمیم کے بعد کیا گیا، جبکہ 22 جولائی 2026 کو جاری کردہ نوٹیفکیشن بھی معطل کر دیا گیا ہے۔

الیکشن کمیشن نے واضح کیا ہے کہ حلقہ بندیوں کا عمل آئندہ احکامات تک مؤخر رہے گا، جبکہ اس معاملے پر مزید پیش رفت کے لیے 20 اگست کو چیف سیکرٹری اور سیکرٹری بلدیات خیبرپختونخوا کو طلب کرلیا گیا ہے۔