چاغی: نامعلوم مسلح افراد نے مال بردار بس عملے سمیت اغوا کر لی، تحقیقات جاری

چاغی: پولیس ذرائع کے مطابق گزشتہ شب نامعلوم مسلح افراد نے چھتر کے قریب سامان سے بھری ایک مال بردار بس کو عملے سمیت اغوا کر لیا۔

ذرائع کا کہنا ہے کہ بس کوئٹہ سے دالبندین جا رہی تھی اور اس میں چاول اور آم سمیت دیگر سامان لدا ہوا تھا۔

پولیس کے مطابق واقعے کے بعد بس اور عملے کی تلاش کے لیے تحقیقات کا آغاز کر دیا گیا ہے، جبکہ اغوا کی وجوہات اور ملوث افراد سے متعلق مزید معلومات جمع کی جا رہی ہیں۔

حکام کا کہنا ہے کہ واقعے کی تمام پہلوؤں سے تحقیقات جاری ہیں اور مزید تفصیلات سامنے آنے پر آگاہ کیا جائے گا۔