کوئٹہ: پشتون آباد میں رہائشی گھر میں آتشزدگی، کوئی نقصان نہیں ہوا

کوئٹہ کے علاقے پشتون آباد کے آخری اسٹاپ پر ایک رہائشی گھر میں آگ لگ گئی، تاہم میٹروپولیٹن فائر بریگیڈ نے بروقت کارروائی کرتے ہوئے آگ پر قابو پا لیا۔

ڈائریکٹر فائر سروسز عبدالحق خان اچکزئی کے مطابق اطلاع ملتے ہی فائر بریگیڈ کی ٹیم موقع پر پہنچ گئی اور فوری کارروائی کرتے ہوئے آگ کو پھیلنے سے روک دیا۔ بروقت اقدامات کی بدولت گھر اور آس پاس کی آبادی کو محفوظ بنا لیا گیا۔