پشاور؛ پولیس اور دہشتگردوں کے درمیان رات گئے فائرنگ کے تبادلہ، ایک دہشتگرد ہلاک

پشاور: ریگی ماڈل ٹاؤن اور جمرود سے ملحقہ علاقوں میں پولیس اور دہشتگردوں کے درمیان فائرنگ کے تبادلے میں ایک دہشتگرد ہلاک ہوگیا۔

سی سی پی او ڈاکٹر میاں سعید کے مطابق گزشتہ رات سرحدی علاقوں میں پولیس اور دہشتگردوں کے درمیان شدید مقابلہ ہوا، جس میں پولیس نے مؤثر حکمت عملی کے ذریعے دہشتگردوں کا مقابلہ کیا۔

پولیس کارروائی کے نتیجے میں ایک دہشتگرد مارا گیا، جبکہ اس کے دیگر ساتھی اندھیرے کا فائدہ اٹھا کر فرار ہوگئے۔

پولیس نے علاقے کو گھیرے میں لے کر سرچ اینڈ کلیئرنس آپریشن شروع کر دیا ہے، جبکہ فرار دہشتگردوں کی گرفتاری کے لیے کارروائیاں جاری ہیں۔