فتنۃ الہندوستان کے دہشت گرد عثمان سے اہلخانہ کا لاتعلقی کا اعلان

کوئٹہ: فتنۃ الہندوستان سے منسلک دہشتگرد عثمان کی والدہ نے اپنے بیٹے سے لاتعلقی کا اظہار کرتے ہوئے کہا ہے کہ ان کا، ان کے شوہر اور عثمان کے بہن بھائیوں کا اس کے ساتھ کسی قسم کا کوئی تعلق نہیں ہے۔

تربت پریس کلب میں گفتگو کرتے ہوئے عثمان کی والدہ نے بتایا کہ کچھ عرصہ قبل عثمان اپنی مرضی سے گھر اور خاندان سے الگ ہوگیا تھا، جس کے بعد اس نے رابطے کی کوشش کی تاہم انہوں نے اس سے بات نہیں کی۔

انہوں نے واضح کیا کہ عثمان اپنے ذاتی فیصلوں اور سرگرمیوں کا خود ذمہ دار ہے، جبکہ خاندان کا اس کے کسی بھی عمل سے کوئی تعلق نہیں۔

انہوں نے کہا کہ دہشتگردی کے اقدامات کی حمایت نہیں کی جا سکتی، جبکہ دہشتگرد عناصر سے اہلخانہ کی لاتعلقی اس بات کی عکاسی کرتی ہے کہ عوام امن کے خواہاں ہیں اور دہشتگردی کے خاتمے کے لیے پرعزم ہیں۔