عابدہ بیگ نے مداحوں سے صحت یابی کیلئے دعاؤں کی اپیل کر دی

گجرانوالہ( ملک ندیم شاہد) پاکستان کی صف اول کی لیجنڈ اداکارہ عابدہ بیگ اس وقت بہت سخت بیمار ہیں ان کا پتے کا اپریشن گنگا رام سرجیکل وارڈ بیڈ نمبر تین میں زیر علاج ہیں منگل کے روز ان کا اپریشن ہے ملک ندیم شاہد سے خصوصی گفتگو کے دوران ان کا کہنا تھا اس ٹائم میں جس حالت میں ہوں پتہ نہیں اللہ تعالی کی کیا مرضی ہے میرا کسی سے کوئی گلا شکوہ نہیں اور میں یہ بھی کہوں گی کہ اگر کسی سے جانے انجانے میں دل ازاری دل شکنی ہوئی ہو تو وہ مجھے معاف کر دے میں نے ہمیشہ خوشیاں بانٹی ہیں لیکن بندہ فرشتہ نہیں ہوتا میری طرف سے کسی کا دل دکھا ہو تو میں سب سے معافی چاہتی ہوں میرے لیے سب مل کر دعا کریں منگل کو ڈاکٹر نے اپریشن کرنا ہے اگر زندگی رہی تو دوبارہ ملاقات ہو جائے گی نہیں تو مجھے معاف کر دینا سب میرے لیےجتنا بھی ہو سکے پڑھائی کریں اور مجھے پڑھائی کا تحفہ دیں میں سب سے معافی کی طلبگار ہوں