پاکستان اور روس کے درمیان تجارت سمیت کئی شعبوں میں تعاون بڑھانے پر اتفاق

نائب وزیراعظم و وزیر خارجہ اسحاق ڈار نے منیلا میں روسی وزیر خارجہ سرگئی لاوروف سے ملاقات کی، جس میں پاکستان اور روس کے درمیان تجارت، توانائی، رابطہ کاری اور دیگر شعبوں میں تعاون مزید بڑھانے پر اتفاق کیا گیا۔

دفتر خارجہ کے مطابق ملاقات میں دونوں رہنماؤں نے دوطرفہ تعلقات کا جائزہ لیا اور کثیرالجہتی فورمز پر تعاون کو فروغ دینے کے عزم کا اظہار کیا۔

اسحاق ڈار اور سرگئی لاوروف نے علاقائی و عالمی صورتحال پر بھی تبادلہ خیال کیا، جبکہ دونوں ممالک نے اعلیٰ سطحی روابط برقرار رکھنے اور مستقبل میں باہمی تعاون کو مزید مضبوط بنانے پر اتفاق کیا۔