وزیراعظم اور فیلڈ مارشل کا اچانک دورۂ کوئٹہ؛ صوبائی دارالحکومت میں سیکیورٹی ہائی الرٹ، بڑے فیصلوں کا امکان

 وزیراعظم پاکستان کا کل (9 جولائی) صوبائی دارالحکومت کوئٹہ کا متوقع دورہ شیڈول ہے۔ اس سلسلے میں حکومتِ بلوچستان نے تیاریاں تیز کر دی ہیں اور تمام متعلقہ محکموں کو ہنگامی ہدایات جاری کر دی گئی ہیں۔

ڈائریکٹر پروٹوکول (S&GAD) محمد امتیاز خان کی جانب سے حکومتِ بلوچستان کے تمام سیکرٹریز کو ایک سرکاری مراسلہ ارسال کیا گیا ہے، جس میں وزیراعظم کے اس اہم ترین (VVIP) دورے کے لیے پروٹوکول انتظامات کو حتمی شکل دینے کی ہدایت کی گئی ہے۔

مراسلے کے مطابق دورے کے دوران پروٹوکول فرائض کی انجام دہی کے لیے تمام محکموں سے اچھی حالت میں موجود دو (02) عدد 4×4 گاڑیاں یا اسٹاف کارز فوری طور پر فراہم کرنے کا حکم دیا گیا ہے۔ تمام متعلقہ ڈرائیورز کو پابند کیا گیا ہے کہ وہ اپنی گاڑیوں سمیت پروٹوکول سپروائزر مسٹر محمد قاسم کو رپورٹ کریں۔ انتظامیہ کی جانب سے اس پورے معاملے کو انتہائی اہم اور فوری (Most Immediate) قرار دیا گیا ہے تاکہ دورے کے انتظامات میں کسی قسم کی کمی نہ رہے۔