کوئٹہ کراچی شاہراہ این-25 پر سیکیورٹی فورسز کا آپریشن جاری، 19 دہشت گرد ہلاک ہونے کا دعویٰ

کوئٹہ: کوئٹہ کراچی شاہراہ این-25 پر جاؤ کراس کے قریب سیکیورٹی فورسز کا آپریشن جاری ہے۔ سیکیورٹی ذرائع کے مطابق کارروائی کے دوران 19 دہشت گرد ہلاک جبکہ متعدد زخمی ہوئے ہیں۔

ذرائع کا کہنا ہے کہ ہلاک ہونے والے دہشت گرد مبینہ طور پر شاہراہ کو بلاک کر کے شہریوں سے بھتہ وصول کر رہے تھے، جس پر سیکیورٹی فورسز نے آپریشن کیا۔

سیکیورٹی ذرائع کے مطابق آپریشن کے دوران 11 اہلکاروں کی شہادت کی بھی اطلاعات ہیں، تاہم اس حوالے سے تاحال سرکاری سطح پر باضابطہ تصدیق سامنے نہیں آئی۔

ذرائع کے مطابق علاقے میں آپریشن تاحال جاری ہے، جبکہ مزید تفصیلات کا انتظار کیا جا رہا ہے۔