زیارت: مزید 21 مغوی پولیس اہلکاروں کی لاشیں ملنے کی اطلاعات، شہداء کی تعداد 30 بتائی جا رہی ہے

زیارت: ضلع زیارت سے اغوا کیے گئے مزید 21 پولیس اہلکاروں کی لاشیں پہاڑی علاقے سے ملنے کی اطلاعات سامنے آئی ہیں۔

ذرائع کے مطابق گزشتہ روز برآمد ہونے والی لاشوں سمیت اب تک زیارت میں شہید ہونے والے پولیس اہلکاروں کی تعداد 30 بتائی جا رہی ہے۔

اطلاعات کے مطابق سیکیورٹی فورسز نے علاقے میں سرچ آپریشن اور شواہد جمع کرنے کا عمل شروع کر دیا ہے، جبکہ واقعے کی مزید تفصیلات حاصل کی جا رہی ہیں۔

واضح رہے کہ ان اطلاعات کے حوالے سے تاحال سرکاری سطح پر باضابطہ تصدیق یا تفصیلی بیان جاری نہیں کیا گیا۔