اکرام الدین کا رفعت اللہ خان کو ڈسٹرکٹ پولیس آفیسر چارسدہ تعینات ہونے پر مبارکباد

چارسدہ:(نمائندہ خصوصی)نو تعینات ڈسٹرکٹ پولیس آفیسر چارسدہ، رفعت اللہ خان (PSP) نے اپنے عہدے کا باقاعدہ چارج سنبھال لیا۔ڈی پی او رفعت اللہ خان (PSP) نے چارج سنبھالنے کے بعد ضلع میں امن و امان کی مجموعی صورتحال، پولیس کی کارکردگی اور جاری سیکیورٹی اقدامات پر بریفنگ حاصل کی۔ اس موقع پر انہوں نے کہا کہ عوام کے جان و مال کا تحفظ، قانون کی بلاامتیاز عملداری، جرائم پیشہ عناصر کے خلاف مؤثر کارروائیاں اور شہریوں کو بہترین پولیسنگ کی فراہمی ان کی اولین ترجیحات ہوں گی۔انہوں نے تمام پولیس افسران و جوانوں کو ہدایت کی کہ وہ ایمانداری، پیشہ ورانہ صلاحیت اور عوام دوست رویے کے ساتھ اپنے فرائض انجام دیں تاکہ عوام کا پولیس پر اعتماد مزید مضبوط ہو۔نو تعینات ڈسٹرکٹ پولیس آفیسر نے اس عزم کا اظہار کیا کہ چارسدہ میں امن و امان کے قیام، جرائم کی روک تھام اور شہریوں کو محفوظ ماحول کی فراہمی کے لیے تمام دستیاب وسائل بروئے کار لائے جائیں گے۔ اس موقع پر گلوبل ٹائمز میڈیا یورپ کے چیف ایگزیکٹو اکرام الدین نے اپنے مبارکبادی پیغام میں کہا کہ رفعت اللہ خان کو ڈسٹرکٹ پولیس آفیسر چارسدہ تعینات ہونے پر مبارکباد پیش کرتا ہوں اور ان کیلئے نیک خواہشات کا اظہار کرتا ہوں انہوں نے مزید کہا کہ رفعت اللہ خان اس سے پہلے بھی کئی اہم عہدوں پر رہ چکے ہیں اور ایک بہترین اور ایماندار پولیس آفیسر ہے انکی خدمات قابل تعریف ہے۔