یونیورسٹی آف بلوچستان میں انتظامی افسران کے لیے تقریبِ تقسیم اسناد

یونیورسٹی آف بلوچستان کوئٹہ میں یونیورسٹی آف لورالائی اور یونیورسٹی آف بلوچستان کے انتظامی افسران کے لیے مشترکہ تقریبِ تقسیم اسناد کا انعقاد

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی

لورالائی(نامہ نگار)یونیورسٹی آف بلوچستان کوئٹہ میں یونیورسٹی آف لورالائی اور یونیورسٹی آف بلوچستان کے انتظامی افسران کے لیے پانچ روزہ پروفیشنل ڈویلپمنٹ ٹریننگ پروگرام کی تکمیل پر مشترکہ تقریبِ تقسیم اسناد منعقد کی گئی۔ یہ تربیتی پروگرام 11 مئی سے 15 مئی 2026 تک جاری رہا، جس میں دونوں جامعات کے انتظامی افسران نے بھرپور شرکت کی۔تقریب کے مہمانِ خصوصی چیئرمین ہائر ایجوکیشن کمیشن (HEC) پاکستان، Prof. Dr. Niaz Ahmad Akhtar تھے، جنہوں نے شرکاء میں اسناد تقسیم کیں۔ اپنے خطاب میں انہوں نے اعلیٰ تعلیم کے شعبے میں ادارہ جاتی کارکردگی کو بہتر بنانے کے لیے مسلسل پیشہ ورانہ تربیت اور استعداد کار میں اضافے کی اہمیت پر زور دیا۔ انہوں نے کہا کہ جامعات کے انتظامی افسران کسی بھی ادارے کی کامیابی میں بنیادی کردار ادا کرتے ہیں اور جدید تقاضوں سے ہم آہنگ تربیت ان کی پیشہ ورانہ صلاحیتوں کو مزید نکھارتی ہے۔تقریب میں وائس چانسلر یونیورسٹی آف لورالائی Engr. Prof. Dr. Ehsanullah Kakar، وائس چانسلر یونیورسٹی آف بلوچستان Prof. Dr. Zahoor Ahmed Bazai، وائس چانسلر University of Turbat Prof. Dr. Gul Hassan Ahsan Baloch سمیت مختلف جامعات کے ڈینز، ڈائریکٹرز، اساتذہ کرام اور انتظامی افسران نے شرکت کی۔یہ تربیتی پروگرام National Academy of Higher Education کے زیر اہتمام منعقد کیا گیا، جس کا مقصد جامعات کے انتظامی افسران میں قیادت، انتظامی امور، ابلاغی مہارتوں، فیصلہ سازی اور پیشہ ورانہ صلاحیتوں کو مزید بہتر بنانا تھا۔ پروگرام کے دوران شرکاء کو جدید انتظامی طریقہ کار، مؤثر قیادت، ادارہ جاتی ترقی اور اعلیٰ تعلیم کے شعبے میں درپیش چیلنجز سے نمٹنے کے حوالے سے عملی تربیت فراہم کی گئی۔اس موقع پر وائس چانسلر یونیورسٹی آف لورالائی انجینئر پروفیسر ڈاکٹر احسان اللہ کاکڑ نے چیئرمین ہائر ایجوکیشن کمیشن پاکستان پروفیسر ڈاکٹر نیاز احمد اختر کا خصوصی شکریہ ادا کیا کہ انہوں نے تقریب میں شرکت کرکے شرکاء میں اسناد تقسیم کیں اور ان کی حوصلہ افزائی کی۔ انہوں نے تربیتی پروگرام کے کامیاب انعقاد پر نیشنل اکیڈمی آف ہائر ایجوکیشن کی ٹیم کو بھی خراجِ تحسین پیش کیا اور کہا کہ اس نوعیت کے پروگرام جامعات کے انتظامی ڈھانچے کو مضبوط بنانے میں اہم کردار ادا کرتے ہیں۔انہوں نے وائس چانسلر یونیورسٹی آف بلوچستان پروفیسر ڈاکٹر ظہور احمد بازئی اور ان کی ٹیم کی جانب سے بہترین انتظامات اور مہمان نوازی کو بھی سراہا اور کہا کہ ان کی کاوشوں کی بدولت تربیتی پروگرام اور تقریبِ تقسیم اسناد کامیابی سے منعقد ہوئی۔وائس چانسلر نے اس عزم کا اعادہ کیا کہ یونیورسٹی آف لورالائی اپنے تدریسی اور انتظامی عملے کی پیشہ ورانہ ترقی، استعداد کار میں اضافے اور مسلسل تربیت کے لیے ایسے پروگراموں میں بھرپور شرکت جاری رکھے گی تاکہ ادارے کی مجموعی کارکردگی اور اعلیٰ تعلیم کے معیار کو مزید بہتر بنایا جا سکے۔تقریب کے اختتام پر شرکاء نے تربیتی پروگرام کو انتہائی مفید قرار دیتے ہوئے ہائر ایجوکیشن کمیشن پاکستان، نیشنل اکیڈمی آف ہائر ایجوکیشن اور دونوں جامعات کی انتظامیہ کا شکریہ ادا کیا اور امید ظاہر کی کہ مستقبل میں بھی اس نوعیت کے تربیتی پروگراموں کا انعقاد جاری رکھا جائے گا