کوئٹہ: بے روزگاری سے تنگ نوجوان نے اپنی ڈگریاں جلا دیں

کوئٹہ: بے روزگاری سے تنگ آ کر ڈیرہ بگٹی سے تعلق رکھنے والے ایک نوجوان نے کوئٹہ میں اپنی اصل ڈگریاں جلا کر احتجاج ریکارڈ کرایا۔

نوجوان کا کہنا تھا کہ اس نے اپنی ڈگریاں نہیں بلکہ اپنے خواب، سالوں کی محنت اور مستقبل کو جلایا ہے۔ اس نے شکوہ کیا کہ تعلیم مکمل ہونے کے باوجود اسے روزگار نہیں مل سکا، جبکہ سفارش اور اثر و رسوخ رکھنے والوں کو آسانی سے نوکریاں مل جاتی ہیں۔

نوجوان کے مطابق اگر وہ کسی بااثر شخص کا گن مین ہوتا تو آج اسے بھی نوکری حاصل ہو چکی ہوتی۔ اس واقعے نے علاقے میں بے روزگاری اور نوجوانوں کے مسائل پر ایک بار پھر سوالات کھڑے کر دیے ہیں۔