بزنس کمیونٹی کے مطالبات فوری تسلیم کیے جائیں،پروفیسر حلیم صادق

بزنس کمیونٹی کے مطالبات فوری تسلیم کیے جائیں،پروفیسر حلیم صادق
بزنس کمیونٹی کی ہڑتال برحق اور تمام مطالبات جائز ہیں۔ صوبائی جنرل سیکرٹری اے، پی،پی
شٹر ڈاؤن اور پہیہ جام ہڑتال سے عوام کیلئے مسائل پیدا ھونگے۔حکومت سنجیدگی کا مظاہرہ کرے۔
کوئٹہ: عوام پاکستان پارٹی بلوچستان کے صوبائی جنرل سیکرٹری پروفیسر ڈاکٹر حلیم صادق نے بلوچستان کی بزنس کمیونٹی کی جانب سے 11 جون سے شروع ہونے والی غیر معینہ مدت کی شٹر ڈاؤن اور پہیہ جام ہڑتال کو برحق قرار دیا ہے۔ انہوں نے کہا کہ ہڑتال کے ذریعے بزنس کمیونٹی نے اپنے جائز مطالبات کی نشاندہی کی ہے، اور یہ احتجاج مکمل طور پر قانونی اور معاشرتی نقطہ نظر سے جائز ہے۔ پروفیسر ڈاکٹر حلیم صادق نے زور دیا کہ حکومت اور متعلقہ ادارے فوری طور پر بزنس کمیونٹی کے مطالبات کو تسلیم کریں تاکہ معاشی سرگرمیوں میں خلل کم ہو اور کاروباری ماحول مستحکم رہے۔ انہوں نے کہا کہ اگر مطالبات پر فوری توجہ نہ دی گئی تو ہڑتال جاری رہے گی اور کاروباری حلقوں کا احتجاج مزید شدت اختیار کر سکتا ہے۔ انہوں نے واضح کیا کہ عوام پاکستان پارٹی بلوچستان ہمیشہ عوام اور بزنس کمیونٹی کے حقوق کے تحفظ کے لیے کھڑی رہے گی اور ہر قانونی و پرامن احتجاج کی حمایت کرے گی۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی