خضدار،سیکیورٹی فورسز کا بڑا دہشتگرد حملہ ناکام، 12 دہشتگرد ہلاک

خضدار کے شہر نال میں 08 جون 2026 کو فتنہ الہندوستان سے منسوب دہشتگردوں کے ایک بڑے گروہ نے حملہ کیا، جسے سیکیورٹی فورسز نے بروقت اور مؤثر کارروائی کے ذریعے ناکام بنا دیا۔

ابتدائی اطلاعات کے مطابق فورسز کی فوری جوابی کارروائی کے دوران 12 دہشتگردوں کو ہلاک کر دیا گیا، جبکہ شدید فائرنگ کے تبادلے میں ایک بہادر جوان نے وطن کے دفاع میں جامِ شہادت نوش کیا۔ شہید کے درجات کی بلندی اور جنت الفردوس میں اعلیٰ مقام کے لیے دعا کی گئی ہے۔

ذرائع کے مطابق سیکیورٹی فورسز کی بھرپور مزاحمت کے باعث دہشتگرد پسپا ہو کر فرار ہونے پر مجبور ہو گئے۔ علاقے کو ابتدائی طور پر کلیئر قرار دے دیا گیا ہے، تاہم فرار ہونے والے عناصر کے تعاقب کے لیے زمینی اور فضائی آپریشن جاری ہے۔

مزید بتایا گیا ہے کہ سیکیورٹی ادارے علاقے میں مکمل امن و امان کی بحالی اور دہشتگردوں کے مکمل خاتمے کے لیے کارروائیاں جاری رکھے ہوئے ہیں۔