گورنمنٹ بوائز مڈل اسکول کی عمارت خستہ حالی کا شکار

میرواہ گورچانی(نمائندہ خصوصی)گلوبل ٹائمز میڈیا یورپ کے مطابق گورنمنٹ مڈل اسکول میرواہ گورچانی کی عمارت خستہ حالی کا شکار ہو گئی-گزشتہ شب ایک کلاس روم کی چھت کا پلستر اچانک زور دار دھماکے سے گر گیا-جس کے نتیجے میں کمرے میں موجود متعدد ڈیسک ٹوٹ گئی۔عینی شاہدین کے مطابق پلستر گرنے کی آواز اس قدر شدید تھی کہ رات کے سناٹے میں قریبی گھروں کے مکین خوفزدہ ہو کر باہر نکل آئے۔ واقعے کے بعد علاقے میں شدید خوف و ہراس پھیل گیا۔خوش قسمتی سے یہ واقعہ رات کے وقت پیش آیا جب اسکول بند تھا-تاہم اگر یہ حادثہ تدریسی اوقات میں پیش آتا تو معصوم طلبہ اور اساتذہ کی جانوں کو شدید خطرات لاحق ہو سکتے تھے جس سے کسی بڑے سانحے کا خدشہ تھا۔مقامی شہریوں، والدین اور سماجی حلقوں نے اسکول کی خستہ حال عمارت پر گہری تشویش کا اظہار کرتے ہوئے متعلقہ حکام سے فوری نوٹس لینے کا مطالبہ کیا ہے۔شہریوں کا کہنا ہے کہ اسکول کی عمارت کی فوری بنیادوں پر مرمت اور بحالی نہایت ضروری ہے تاکہ مستقبل میں کسی بھی ناخوشگوار واقعے سے بچا جا سکے۔انہوں نے اعلیٰ حکام سے اپیل کی ہے کہ گورنمنٹ بوائز مڈل اسکول میرواہ گورچانی کی عمارت کو ہنگامی بنیادوں پر مرمت کر کے طلبہ اور اساتذہ کے لیے محفوظ تعلیمی ماحول فراہم کیا جائے۔.

Browse Posts

وزیراعلیٰ بلوچستان سرفراز بگٹی اور مولانا فضل الرحمن کی ملاقات،مدارس کے معاملے کو بات چیت سے حل کرنے پر اتفاق

رفاہ انٹرنیشنل یونیورسٹی کے کیمپس میں چھٹی بین الاقوامی طلبہ کنونشن اور ایکسپو کا افتتاح

ون کانسٹیٹیوشن ایونیو میں شراکت داری، عمارت میں اپارٹمنٹس کی ملکیت سے متعلق سعد رفیق کا اہم بیان