علیمہ خان کی تمام پارٹی عہدیداروں اور رہنماؤں کو اڈیالہ جیل پہنچنے کی ہدایت

علیمہ خان کی تمام پارٹی عہدیداروں اور رہنماؤں کو اڈیالہ جیل پہنچنے کی ہدایت
حکومت پر دباؤ بڑھانے کے لیے ایم این ایز، ایم پی ایز اور سینیٹرز کل اڈیالہ پہنچیں

بانی پی ٹی آئی عمران خان کی بہن علیمہ خان نے تمام پارٹی عہدیداروں اور رہنماؤں کو منگل کے روز اڈیالہ جیل پہنچنے کی ہدایت کی ہے۔

سماجی رابطے کی ویب سائٹ پر جاری بیان میں انہوں نے کہا کہ حکومت پر دباؤ بڑھانے کے لیے ایم این ایز، ایم پی ایز اور سینیٹرز کل اڈیالہ پہنچیں۔

انہوں نے مطالبہ کیا کہ بانی پی ٹی آئی عمران خان کے وکلاء اور اہل خانہ کی فوری ملاقات کروائی جائے اور انہیں طبی معائنے کے لیے شفا انٹرنیشنل اسپتال منتقل کیا جائے۔

ان کا کہنا تھا کہ جہاں ماہر ڈاکٹروں، ذاتی معالج اور اہل خانہ کی موجودگی میں علاج ممکن بنایا جائے۔

اپنے بیان میں انہوں نے چیف جسٹس اسلام آباد ہائی کورٹ جسٹس سرفراز ڈوگر ڈوگر سے ضمانت درخواستوں پر فوری سماعت مقرر کرنے کا بھی کہا اور بانی پی ٹی آئی اور بشریٰ بی بی کی فوری رہائی کا مطالبہ کیا۔

علیمہ خان نے کہا کہ دونوں رہنماؤں کو تنہائی میں قید رکھنا انسانی حقوق کی خلاف ورزی ہے۔