پاکستان میں شمسی توانائی کا فروغ توانائی تحفظ کی مضبوط ڈھال بن گیا

اسلام آباد (ویب ڈیسک): پاکستان میں شمسی توانائی کے تیزی سے فروغ نے ملک کو توانائی بحران سے نمٹنے میں نمایاں مدد فراہم کی ہے، جس کے باعث حالیہ عالمی کشیدگی کے باوجود توانائی کے شعبے میں استحکام دیکھنے میں آ رہا ہے۔

بین الاقوامی میڈیا رپورٹ کے مطابق دنیا بھر میں تیل و گیس کی بڑھتی قیمتوں نے معیشتوں کو شدید متاثر کیا ہے، تاہم پاکستان جنوبی ایشیا میں ایک منفرد مثال کے طور پر سامنے آیا ہے جو ان اثرات سے بڑی حد تک محفوظ رہا۔

Browse Posts

سردار وقاص شہزاد کا جنوبی افریقہ کے ہائی کمشنر روڈولف پیئر جورڈان سے ملاقات

وزیراعظم کی سربراہی میں پاکستان ترقی کی راہ پر گامزن ہے،شازیہ جدون

اکرام الدین کا عامر سلطان ترین کو وزیر اعلی کے پی کے پرنسپل سیکرٹری مقرر ہونے پر مبارک

رپورٹ میں بتایا گیا ہے کہ گزشتہ دو سے تین برسوں کے دوران ملک میں شمسی توانائی کے منصوبوں میں غیر معمولی اضافہ ہوا، اور اب اندازاً 25 فیصد بجلی سولر ذرائع سے حاصل کی جا رہی ہے۔ اس پیش رفت نے آبنائے ہرمز کے ذریعے توانائی سپلائی میں ممکنہ رکاوٹوں کے اثرات کو بھی کم کر دیا ہے۔

شمسی توانائی کے اس پھیلاؤ کو “خاموش انقلاب” قرار دیتے ہوئے کہا گیا ہے کہ پاکستان نے 2020 کے بعد توانائی درآمدات میں 12 ارب ڈالر سے زائد کی بچت کی، جبکہ رواں سال کے اختتام تک مزید 6.3 ارب ڈالر کی بچت متوقع ہے۔

ماہرین کے مطابق قابل تجدید توانائی کی جانب یہ تیز رفتار منتقلی نہ صرف توانائی کے شعبے میں خود کفالت کو فروغ دے رہی ہے بلکہ ملک کی معاشی بہتری اور طویل مدتی استحکام کے لیے بھی مضبوط بنیاد فراہم کر رہی ہے۔