ڈی سی او ریلوے سکھر محسن سیال کا روہڑی اوررحیم یار خان ریلوے اسٹیشن کا دورہ، انتظامات کا تفصیلی جائزہ

سکھر (رپورٹ اسلم سومرو) ڈی سی او ریلوے سکھرمحسن سیال نے روہڑی اور رحیم یار خان ریلوے اسٹیشن کا ہنگامی دورہ کیا، جس کے دوران انہوں نے اسٹیشن کی مختلف برانچز کا تفصیلی معائنہ کیا اور آپریشنل امور کا جائزہ لیا۔دورے کے دوران محسن سیال نے اسٹیشن پر صفائی ستھرائی کے انتظامات پر خصوصی توجہ مرکوز کی اور اسٹاف کو ہدایت کی کہ مسافروں کو بہترین سہولیات کی فراہمی کے لیے صفائی کے معیار کو ہر صورت برقرار رکھا جائے۔ انہوں نے سٹاف پر زور دیا کہ مسافروں کے ساتھ خوش اسلوبی اور شائستگی سے پیش آئیں تاکہ محکمہ ریلوے کا وقار مزید بلند ہو۔ڈی سی او ریلوے نے اس موقع پر سیکیورٹی اور نظم و ضبط کے حوالے سے سخت احکامات جاری کرتے ہوئے کہا کہ اسٹیشن کے پلیٹ فارم پر بغیر ٹکٹ یا پلیٹ فارم ٹکٹ کے داخلہ مکمل طور پر ممنوع ہے۔ انہوں نے واضح کیا کہ مسافروں کی حفاظت اور سہولت کے پیش نظر قواعد و ضوابط پر سختی سے عمل درآمد کرایا جائے گا، اور ہر شخص کو اسٹیشن میں داخلے کے وقت درست ٹکٹ یا پلیٹ فارم ٹکٹ ساتھ رکھنا لازمی ہوگا۔اس موقع پر ان کے ہمراہ طارق گوندل، محمد اشفاق، مقبول احمد چوہدری، ندیم پاشا اور ہیڈ ٹی سی آر اصفر لاشاری بھی موجود تھے۔ محسن سیال نے متعلقہ عملے کو ہدایت کی کہ وہ اپنے فرائضِ منصبی ایمانداری سے سرانجام دیں اور مسافروں کی شکایات کے فوری ازالے کو یقینی بنائیں۔

Browse Posts

پاکستان عالمی سفارتکاری میں ذمہ دار کردار ادا کر رہا ہے،سید امان شاہ

خالد ساسولی کا قتل اختیارات کے ناجائز استعمال کا شاخسانہ ہے،میر اکبر لہڑی

جامعات کو بھرتیوں کی فیکٹری نہیں بلکہ تحقیق کا مرکز بنائیں،وزیراعلیٰ بلوچستان