پاکستانی بندرگاہوں پر سرگرمیوں میں تاریخی اضافہ ریکارڈ

کراچی: گزشتہ 24 دنوں میں کراچی پورٹ پر ٹرانس شپمنٹ میں غیر معمولی اضافہ ریکارڈ کیا گیا، جو پورے سال 2025 کے برابر ہے۔ اس دوران تقریباً 8,313 کنٹینرز ہینڈل کیے گئے، جبکہ پچھلے سال پورے سال میں صرف 8,300 کنٹینرز کی ترسیل ہوئی تھی۔

پاکستان کے مختلف بندرگاہیں—کراچی پورٹ، پورٹ قاسم اور گوادر پورٹ—بین الاقوامی تجارتی سرگرمیوں میں تاریخی اضافے کا مشاہدہ کر رہی ہیں۔ عرب نیوز کے مطابق، خلیجِ عرب میں شپنگ رکاوٹوں کی وجہ سے دنیا کے کئی روٹس پاکستان کی بندرگاہوں کی جانب منتقل ہوئے، جس سے ٹرانس شپمنٹ میں تیزی آئی۔

ٹریڈ کرونیکلز کے مطابق، جنوبی ایشیا پاکستان ٹرمینل نے 5,286، ہچیسن پورٹ نے 1,827 اور کراچی گیٹ وے ٹرمینل نے 1,200 کنٹینرز کی ہینڈلنگ مکمل کی۔

عالمی ماہرین کے مطابق مشرق وسطیٰ میں جنگ نے پاکستان کو ٹرانس شپمنٹ کا مستقل مرکز بنانے کا سنہری موقع فراہم کیا ہے۔ مضبوط سیاسی و اقتصادی استحکام، قیادت کی حکمت عملی اور سی پیک کے جدید انفرااسٹرکچر نے پاکستان کو خطے میں تجارتی اور لاجسٹک مرکز کے طور پر مستحکم کیا ہے۔

ماہرین کا کہنا ہے کہ پاکستان اب محفوظ اور مستحکم ملک کے طور پر بین الاقوامی سرمایہ کاری اور عالمی تجارت کے لیے پرکشش مقام بن گیا ہے۔