گلستان: غبیزئی قوم کے رہنماء و گریٹ گیم کا خاتمہ تصنیف کے مصنف احمد خان اچکزئی سے عید ملن، ہزاروں افراد کی شرکت

قلعہ عبداللہ (اچکزئی ہاؤس گلستان سے) پشتون بیلٹ کی ممتاز علمی و سیاسی شخصیت، غبیزئی قوم کے معزز رہنماء، عالمی مشاہد اور شہرہ آفاق کتاب “دی گریٹ گیم کا خاتمہ” کے مصنف احمد خان اچکزئی سے عید الفطر کے موقع پر گلستان “اچکزئی ہاؤس” میں عید ملن کا ایک عظیم الشان اجتماع منعقد ہوا جس میں پشتون بیلٹ کے طول و عرض سے تعلق رکھنے والے علماء کرام، طلباء، بزرگ قبائلی عمائدین، سیاسی و سماجی کارکنوں، نوجوان صحافیوں، ڈاکٹرز اور نظامِ زندگی کے ہر شعبے سے وابستہ ہزاروں افراد نے جوق در جوق شرکت کر کے احمد خان اچکزئی کو عید کی مبارکباد پیش کی اور ان کی قیادت پر مکمل اعتماد کا اظہار کیا، اس موقع پر احمد خان اچکزئی نے روایتی تپاک کے ساتھ تمام مہمانوں کا استقبال کیا اور مصلحت آمیز گفتگو کرتے ہوئے کہا کہ خطے میں پائیدار امن، جدید تعلیم اور معاشی ترقی کا حصول ہماری اولین ترجیح ہونا چاہیے، انہوں نے واضح کیا کہ “کاکا شہید فاؤنڈیشن” اور “احمد خان ایجوکیشن سسٹم” کے ذریعے ہم پسماندہ علاقوں میں علم کی شمع روشن کرنے اور غریب و مستحق طبقات کی بحالی کے لیے ہمہ وقت کوشاں ہیں، احمد خان اچکزئی نے شرکاء کو دورِ حاضر کے چیلنجز اور “گریٹ گیم” کے مختلف پہلوؤں پر بریفنگ دیتے ہوئے زور دیا کہ پشتون قوم کی ترقی علم و قلم اور باہمی اتحاد میں پوشیدہ ہے، انہوں نے عید ملن کے لیے آنے والے تمام قبائلی و سماجی عمائدین کا شکریہ ادا کرتے ہوئے اس عزم کو دہرایا کہ وہ انسانیت کی خدمت اور مصلحتی سیاست کے ذریعے امن و بھائی چارے کے فروغ کو جاری رکھیں گے، اجتماع کے شرکاء نے احمد خان اچکزئی کی علمی وجاہت اور سماجی خدمات کو پشتون بیلٹ کے لیے ایک گراں قدر اثاثہ قرار دیا اور ان کی درازی عمر کے لیے دعا کی۔