اسلام آباد ہائیکورٹ میں مقدمات کی تاریخ کے معاملے پر دلچسپ صورتحال

اسلام آباد ہائیکورٹ میں مقدمات کی تاریخ کے معاملے پر دلچسپ صورتحال

اسلام آباد ہائیکورٹ میں مقدمات کی آئندہ تاریخ مقرر نہ ہونے کے معاملے پر سماعت کے دوران ایک دلچسپ صورتحال سامنے آ گئی۔

عدالت میں ایک مقدمے کی آئندہ تاریخ کے تعین کا معاملہ جسٹس خادم حسین سومرو کے روبرو زیر سماعت تھا۔ سماعت کے دوران ایک وکیل کیس ختم ہونے کے بعد روسٹرم چھوڑ کر جانے لگے تو جسٹس خادم حسین سومرو نے انہیں واپس بلا لیا۔

عدالت نے مسکراتے ہوئے ریمارکس دیے کہ وکیل صاحب تاریخ تو لے جائیں، وکیل کو اگر تاریخ مل جائے تو یہ سب سے بڑا ریلیف سمجھا جاتا ہے۔

انہوں نے مزید کہا کہ ہم خود بلا کر تاریخ دے رہے ہیں اور آپ وہ بھی لینے کو تیار نہیں۔

جسٹس خادم حسین سومرو کے ان ریمارکس پر کمرہ عدالت میں موجود افراد قہقہوں سے گونج اٹھے۔