جنگ جیت چکے ہیں مگر اہداف کے حصول تک واپس نہیں جائیں گے، ٹرمپ

جنگ جیت چکے ہیں مگر اہداف کے حصول تک واپس نہیں جائیں گے، ٹرمپ

امریکا کے صدر ڈونلڈ ٹرمپ نے کہا ہے کہ امریکا ایران میں اپنی کارروائیاں اس وقت تک جاری رکھے گا جب تک تمام اہداف مکمل طور پر حاصل نہیں ہو جاتے۔

Browse Posts

تعلیمی ادارے کے قریب شراب خانہ قائم، طلبہ و طالبات میں شدید تشویش

ایران سمجھداری دکھائے، غلط فیصلہ کیا تو ہم دوبارہ جنگ کیلیے تیار ہیں؛ امریکا

یوٹیوب نے صارفین کیلئے شارٹس سے متعلق منفرد فیچر متعارف کرادیا

کینٹکی میں ایک بڑے انتخابی اجتماع سے خطاب کرتے ہوئے انہوں نے دعویٰ کیا کہ امریکا نے ایران کے خلاف جنگ میں فیصلہ کن برتری حاصل کر لی ہے۔

ان کا کہنا تھا کہ امریکی فوج کے ایران پر شدید حملے جاری ہیں اور کارروائی کے آغاز کے پہلے ہی گھنٹے میں جنگ کا رخ بدل گیا تھا۔

صدر ٹرمپ کے مطابق امریکی کارروائیوں کے دوران ایران کے 58 جہاز تباہ کیے گئے جبکہ بارودی سرنگیں بچھانے والی 31 کشتیوں کو بھی نشانہ بنا کر تباہ کر دیا گیا۔

انہوں نے کہا کہ امریکی افواج نے ایک ہی رات میں آبنائے ہرمز میں بچھائی گئی بارودی سرنگوں کو صاف کر دیا اور ایرانی بحریہ کو سمندر میں مؤثر انداز میں ناکارہ بنا دیا۔

ان کا مزید کہنا تھا کہ ایران کی فضائیہ تقریباً مکمل طور پر ختم ہو چکی ہے اور اس کے ریڈار نظام بھی تباہ کر دیے گئے ہیں۔

صدر ٹرمپ نے دعویٰ کیا کہ امریکی کارروائیوں کے بعد ایران کی جانب سے ہونے والے بغیر پائلٹ طیاروں کے حملوں میں 98 فیصد کمی آ گئی ہے جبکہ ایران کی جوہری صلاحیت کو بھی مکمل طور پر ختم کر دیا گیا ہے۔

انہوں نے کہا کہ امریکا اس جنگ میں کامیابی حاصل کر چکا ہے، تاہم فوری طور پر ایران سے نکلنے کا ارادہ نہیں کیونکہ واشنگٹن نہیں چاہتا کہ ہر چند سال بعد دوبارہ وہاں مداخلت کرنا پڑے۔

اپنی تقریر میں انہوں نے سابق امریکی صدر براک اوباما کو بھی تنقید کا نشانہ بنایا اور کہا کہ اگر اوباما کے دور میں ایران کے ساتھ ہونے والا جوہری معاہدہ ختم نہ کیا جاتا تو موجودہ صورتحال پیدا نہ ہوتی۔

اجتماع کے دوران ایک دلچسپ واقعہ بھی پیش آیا جب ٹرمپ کے پیچھے کھڑا ایک حامی اچانک بے ہوش ہو گیا۔

صدر ٹرمپ نے فوراً اپنا خطاب روک دیا اور طبی عملے کو بلانے کی ہدایت کی۔

انہوں نے اپنی تقریر میں امریکی معیشت کا حوالہ دیتے ہوئے دعویٰ کیا کہ گزشتہ گیارہ ماہ میں امریکا میں اٹھارہ ہزار ارب ڈالر کی سرمایہ کاری آئی، جبکہ جو بائیڈن کے چار سالہ دور میں صرف ایک ہزار ارب ڈالر کی سرمایہ کاری ہوئی تھی۔