ایک شہادت سب کو مومن کرگئی

مولا علی اور آیت اللہ خمینی کے اوصاف کیسے ہوں بیاں!

رخسانہ رخشی

آیت اللہ خمینی کی شہادت آج دنیا بھر کا موضوع ہے اور یہ ایسے مرد شہید کا موضوع ہے کہ جو شاید قیامت تک یا پھر عرصۂ دراز تک تو رہے گا ۔ آ ج جب جب شہیدان کربلا کو یاد کریں گے اور مولا علی کی شہادت یاد کریں گے تو زہن کے کسی نا کسی گوشے میں عہد حاضر کی شہادت بھی سر اُبھارے گی اور دنیا بھر کے مسلمان کہیں کہیں اپنے سینے پر ہاتھ مارنے سے پہلے گریبان میں بھی جھانکیں گے کہ ہم انکی اور انکے وطن کی کوئی مدد و معاونت انکی زندگی میں نا کرسکے۔
مسلمانوں کی تاریخ میں ہر بڑی شخصیت کی شہادت ایمان اُجاگر کرتی ہے ، جوش و جذبہ جواں ہوتا ہے اور ہم اپنی منافقتوں اور کوتاہیوں کو بھول کر جوش و خروش سے لبریز ہوجاتے ہیں ایسی ہی شہادت سید علی خامنہ ای کی ہے جو ہم سبھی کی زندگی میں ایک خلش چھوڑ گئی ، ہماری روح کو گھائل کرگئی مگر ایمان تازہ کرگئی ہر کوئی کہنے پہ مجبور ہوگیا کہ ایمان اسے کہتے ہیں، تقوی اسے کہتے ہیں، سادگی اسے کہتے ہیں، مومن اسے کہتے ہیں، اسلام کے نام پر زندگی گزارنا اسے کہتے ہیں اور ہم اپنی نسلوں تک یہ بات پہچائیں گے کہ ایسی زندگی گزارکر پھر شہید ہوجانا دشمن کو بھی حیرت میں ڈال دیتا ہے اور جینے کے ڈھنگ سکھا دیتا ہے۔
ویسے ہم اسی ڈھنگ کی بات کرتے ہیں جو عموما شہدا کے نصیب میں ہوتی ہے انھیں اسلامی فقہ میں شہید مارکہ کہتے ہیں ، یہ وہ میدان مارکہ ہے کہ جہاں میدان جنگ میں دشمن سے لڑنے پر انھیں غسل نہیں دیا جاتا ، کفن اور تابوت بھی نہیں ملتے انھیں خون آلود حالت میں ہی دفن کردیا جاتا ہے۔
آج ایک شہید کی موت چاہے حکمہ تھی یا معرکہ آرائی میں ممکن تھی مگر وہ آج کے ہر مسلمان کو مومن بنا گئی آج سبھی کو اپنا عقیدہ مومن کرنا پڑرہا ہے ، آج حضرت خمینی آیت اللہ کے گن و اوصاف کو ایمان سمجھ کر اپنایا جارہا ہے، انھیں جیسی طرز زندگی کو اپنے لئے ایک جینے کا ڈھنگ گردانا جارہا ہے، انکی عظمت پر یقین آج ہر کافرو مسلمان ایک مثالی زندگی آنکھیں بند کرکے مان رہا ہے۔
کہا تو یہ بھی جارہا ہے کہ

مولا علی کی تلوار سے باطل ہمیشہ ہارا ہے
امام خمینی کا پیغام آج بھی حق کا سہارا ہے
یزیدیت کے ہر دور کو للکارتی ہے یہ صدا
حق کے راستے پر چلنے والاکبھی نہیں ہارا ہے
شہادت چاہے مولا علی کی ہو یا پھر علی کے عقیدت مندوں کی ہو مومنوں کیلئے ایسی بےمثال شہادتیں ایک عظیم سانحہ ہوتی ہیں، بھلے ہی وہ شہادت کے اعلی منصب پر ہوں۔
وہ عظیم شہدا جن کی زندگی جدوجہد میں گزری، جو خارجی اثرات اور نا انصافی کےخلاف اپنا ہی ایک موقف اور نظریہ رکھتے ہوں۔
مولا علی نے خارجیوں کو مدمقابل جان کر جان توڑ جدوجہد کی آج آیت اللہ خمینائ بھی مغرب کی آنکھوں میں آنکھیں ڈال کر شہادت پاگئے۔
انکے درجات کی بلندی کے لئے بہت دعائیں