منڈی مدرسہ(عبدالقادر فاروقی)دکھی انسانیت کی خدمت ہمارا خاندانی طرۂ امتیاز ہے، میاں آصف بشیر متیانہ

منڈی مدرسہ(عبدالقادر فاروقی)دکھی انسانیت کی خدمت ہمارا خاندانی طرۂ امتیاز ہے، میاں آصف بشیر متیانہ
میاں آصف بشیر متیانہ ، صدر میڈیکل سٹور یونین منڈی مدرسہ نے کہا ہے کہ دکھی انسانیت کی خدمت ہمارے خاندان کا طرۂ امتیاز ہے۔ ہمارے دروازے بلا تفریق ہر شخص کے لیے کھلے ہیں اور ہم خدمتِ خلق کو اپنا اخلاقی، دینی اور خاندانی فریضہ سمجھتے ہیں۔ انہوں نے کہا کہ ہمارے آباؤ اجداد نے ہمیشہ انسانیت سے محبت، ہمدردی، اخوت اور بھائی چارے کا درس دیا اور ضرورت مندوں کی مدد کو اپنی زندگی کا مقصد بنایا۔ ہم اسی روشن روایت کو آگے بڑھاتے ہوئے لوگوں کے دکھ درد میں شریک ہونے اور ان کی مشکلات کم کرنے کی کوشش کر رہے ہیں۔ انہوں نے مزید کہا کہ انسانیت کی حقیقی خدمت کسی نمود و نمائش کی محتاج نہیں، بلکہ یہ خلوصِ نیت، محبت اور احساسِ ذمہ داری سے عبارت ہے۔ معاشرے میں امن، محبت اور بھائی چارے کے فروغ کے لیے ضروری ہے کہ ہم ذاتی مفادات سے بالاتر ہو کر ایک دوسرے کے کام آئیں، کیونکہ دکھی انسانیت کی خدمت ہی وہ عمل ہے جو دلوں کو جوڑتا اور معاشرے کو مضبوط بناتا ہے۔