ایل پی جی کے 2 جہاز پاکستان پہنچ گئے، قیمتوں میں کمی کا امکان

کراچی: عمان سے ایل پی جی لے کر آنے والے دو بحری جہاز پاکستان پہنچ گئے، جس کے بعد ملک میں ایل پی جی کی سپلائی بہتر ہونے اور قیمتوں میں کمی کے امکانات پیدا ہوگئے ہیں۔

ذرائع کے مطابق دونوں جہاز مجموعی طور پر 7 ہزار 603 میٹرک ٹن ایل پی جی لے کر پورٹ قاسم پہنچے۔ ایس ایس جی سی ٹرمینل پر پریانیس نامی جہاز سے 4 ہزار 250 میٹرک ٹن، جبکہ اینگرو ٹرمینل پر الیسا ون سے 3 ہزار 83 میٹرک ٹن ایل پی جی اتاری گئی۔

ذرائع کا کہنا ہے کہ ایران کے سرحدی راستے سے بھی ایل پی جی کی رکی ہوئی ترسیل بحال ہونے کا امکان ہے۔ مارکیٹ ذرائع کے مطابق سپلائی میں بہتری آنے سے ایل پی جی کی قیمتوں میں کمی متوقع ہے، تاہم قیمتوں میں کمی کی حتمی تصدیق سامنے نہیں آئی۔