ڈاکٹر غزالہ شاہین وائیں نے عرس مبارک کے موقع پر آستانہ عالیہ عاشق آباد حاضری دی

میاں چنوں (محمد زاہد) ڈاکٹر غزالہ شاہین وائیں، جو کہ پی پی 208 سے امیدوارِ ایم پی اے اور سابق وزیر اعلیٰ پنجاب غلام حیدر وائیں شہید کی جانشین ہیں، نے آستانہ عالیہ عاشق آباد (123/15L) کا دورہ کیا۔ یہ حاضری پیر سید عاشق حسین گیلانی کے عرس مبارک کے سلسلے میں دی گئی، جہاں پیر سید دلدار حسین گیلانی اور پیر سید تطہیر عاشق گیلانی نے ان کا پرتپاک استقبال کیا، انہیں محبتوں سے نوازا اور ان کے لیے خصوصی دعائے خیر فرمائی۔ اس موقع پر ان کے ہمراہ میاں انصر علی وائیں (سابق چیئرمین بلدیہ میاں چنوں)، چوہدری شہزاد، نامور پنجابی شاعر حبیب اللہ صحرائی، راؤ قاری عمار قادری، عون حیدر وائیں، اشفاق احمد بٹ اور میاں حافظ عامر سہو بھی موجود تھے۔ تقریب کے دوران پیر سید دلدار حسین گیلانی نے سابق وزیر اعلیٰ پنجاب غلام حیدر وائیں شہید کی شاندار سیاسی اور سماجی خدمات کو زبردست خراجِ تحسین پیش کیا اور اس عزم کا اظہار کیا کہ ڈاکٹر غزالہ شاہین وائیں شہید کے مشن کو انتہائی احسن طریقے سے آگے بڑھا رہی ہیں۔