اسسٹنٹ کمشنرز ماجد سلیم اور محمد صادق کا آل سیزن مارکیٹ بادینی کا دورہ

مسلم باغ (نامہ نگار)
ڈپٹی کمشنر قلعہ سیف اللہ ساگر کمار کی ہدایات کی روشنی میں اسسٹنٹ کمشنر مسلم باغ ماجد سلیم اور اسسٹنٹ کمشنر قلعہ سیف اللہ محمد صادق نے آل سیزن مارکیٹ بادینی کا تفصیلی دورہ کیا دورے کے دوران مارکیٹ کی موجودہ صورتحال کا جائزہ لیا گیا اور مارکیٹ کے عمائدین تاجروں اور متعلقہ حکام سے ملاقات کرکے مارکیٹ کو فعال بنانے، تاجروں کو درپیش مسائل اور کاروباری سرگرمیوں کی بحالی کے حوالے سے تبادلۂ خیال کیا گیا
اس سلسلے میں 10 اکتوبر 2026 بروز ہفتہ، دوپہر 1 بجے آل سیزن مارکیٹ بادینی میں ایک اہم اجلاس منعقد کیا گیا اجلاس میں اسسٹنٹ کمشنر مسلم باغ ماجد سلیم اسسٹنٹ کمشنر قلعہ سیف اللہ محمد صادق ڈسٹرکٹ کوآرڈینیٹر بی آر ایس پی قلعہ سیف اللہ اور آل سیزن مارکیٹ کمیٹی کے تمام اراکین نے شرکت کی
اجلاس میں مارکیٹ کو فعال بنانے تاجروں کے مسائل کے حل کاروباری سرگرمیوں کی بحالی اور مارکیٹ کو مؤثر انداز میں فعال رکھنے کے لیے قابلِ عمل لائحۂ عمل مرتب کیا گیا
تمام متعلقہ حکام اور مارکیٹ کمیٹی ممبران نے اجلاس میں شرکت کی