جھل مگسی ضلع کی ترقیاتی اسکیمات عوام کیلئے غیر موثر اور بے سو، کڑی نگرانی کا فقدان متعدد منصوبے کاغذات تک محدود ہیں

گنداواہ (نامہ نگار) جھل مگسی ضلع کے قیام کو تیس سال سے زیادہ کا عرصہ گزر چکا ہے ضلع کے قیام کا اصل مقصد ضلع کے عوام کی ترقی و خوشحالی مقصود تھی لیکن شو مئی قسمت ضلع سرکاری و غیر سرکاری اداروں کیلئے سونے کی چڑیا لیکن لاکھوں کی آبادی اس جدید دور میں بھی زندگی کی بنیادی ضروریات پانی، صحت، تعلیم، ذرائع رسل ورسائل، بجلی گیس، روزگار سے محروم زندگی گزارنے پر مجبور ہیں ضلع کے ہیڈکوارٹر شہر گنداواہ اور جھل مگسی سمیت درجنوں دیہات و سینکڑوں گاؤں کے عوام پینے کے صاف پانی اور صحت کی سہولت نہ ہونے سے متعدی بیماری و مختلف امراض کا شکار رہتے ہیں اسی وجہ اور تدریسی سہولیات نہ ہونے سے صحت مند ذہن پیدا ہونا بہت ہی مشکل ہے چونکہ سوشل میڈیا کے اس دور میں اداروں کی کارکردگی فوٹو سیشن تک محدود ہوکر رہ گئی ہے ضلع میں تمام اسکیمات منصوبہ بندی کے فقدان، موثر نگرانی نہ ہونے کی وجہ سے عوام کیلئے بے سود ہے کیونکہ ترقیاتی منصوبے وہ ہوتے ہیں جوکہ میدان پر عوام کو نظر آئے اور ساتھ ساتھ جس سے عوام مستفید ہوسکے