حب سول ہسپتال میں مریضہ کو طبی سہولیات نہ ملنے کی شکایت پر انکوائری کمیٹی تشکیل

حب(نمائندہ خصوصی)

سوشل میڈیا پر سول ہسپتال جام غلام قادر حب میں مریضہ کو مبینہ طور پر طبی سہولیات فراہم نہ کرنے کی خبر وائرل کا ڈپٹی کمشنر حب جمعہ داد خان مندوخیل کا فوری نوٹس لے لیا اور انکوائری کمیٹی تشکیل دے دی گئی۔

تفصیلات کے مطابق۔

جام غلام قادر سول ہسپتال حب میں گزشتہ روز ایک تشویشناک حالت میں مبتلا خاتون مریضہ کو مبینہ طور پر بروقت طبی سہولیات فراہم نہ کرنے اور آپریشن سے انکار کے حوالے سے سوشل میڈیا پر وائرل ہونے والی خبر کا ڈپٹی کمشنر حب کیپٹن (ریٹائرڈ) جماداد خان مندوخیل نے فوری نوٹس لیتے ہوئے واقعے کی حقائق پر مبنی تحقیقات کے لیے انکوائری کمیٹی تشکیل دے دی ہے ڈپٹی کمشنر حب کی جانب سے جاری کردہ باضابطہ حکم نامے کے مطابق واقعے کی مکمل اور غیر جانبدارانہ تحقیقات کے لیے ڈسٹرکٹ ہیلتھ آفیسر (DHO) حب کو کنوینر جبکہ اسسٹنٹ کمشنر حب کو کمیٹی کا ممبر مقرر کیا گیا ہے انکوائری کمیٹی کو ہدایت کی گئی ہے کہ وہ واقعے سے متعلق تمام دستیاب ریکارڈ کا جائزہ لے، مریضہ اور ان کے لواحقین سمیت متعلقہ ڈاکٹرز اور طبی عملے کے بیانات قلمبند کرے اور اس بات کا تعین کرے کہ آیا مریضہ کو بروقت طبی امداد فراہم کرنے میں کسی قسم کی غفلت، کوتاہی یا فرائض سے غفلت کا مظاہرہ کیا گیا ہے ڈپٹی کمشنر حب کی جانب سے جاری کردہ باضابطہ حکم نامے کے مطابق واقعے کی مکمل اور غیر جانبدارانہ تحقیقات کے لیے ڈسٹرکٹ ہیلتھ آفیسر (DHO) حب کو کنوینر جبکہ اسسٹنٹ کمشنر حب کو کمیٹی کا ممبر مقرر کیا گیا ہے۔
کمیٹی کو مزید ہدایت کی گئی ہے کہ اگر کسی افسر یا اہلکار کی غفلت یا ذمہ داری کا تعین ہوتا ہے تو متعلقہ قواعد و ضوابط کے تحت مناسب کارروائی کی سفارش بھی کی جائے۔
ڈپٹی کمشنر حب نے معاملے کی سنگینی کے پیش نظر انکوائری کو انتہائی فوری نوعیت کا قرار دیتے ہوئے کمیٹی کو حکم نامے کے اجرا کے 24 گھنٹوں کے اندر اپنی جامع رپورٹ بمعہ حقائق، نتائج اور سفارشات پیش کرنے کی ہدایت کی ہے۔
ڈپٹی کمشنر حب کے اس اقدام کا مقصد واقعے کی اصل صورتحال سامنے لانا، ذمہ داران کا تعین کرنا اور سرکاری ہسپتال میں عوام کو بروقت اور معیاری طبی سہولیات کی فراہمی کو یقینی بنانا ہے۔