مجیب الرحمٰن شامی کی حافظ شفیق الرحمٰن سے عیادت، صحت یابی کے لیے دعا

لاھور منشا قاضی سے

وطن عزیز کے استاذ الاساتذہ اور ممتاز و جید صحافی ، جدت طراز ادیب ، صاحبِ اسلوب کالم نگار، قومی اخبار کے مدیر اعلیٰ اور ثقہ دانشور جناب مجیب الرحمن شامی نے آج شعلہ نوا خطیب شورش کاشمیری کی صدائے بازگشت کالم نگار حافظ شفیق الرحمٰن جو طویل عرصے سے بسترِ علالت پر ہیں ان کی عیادت کے لیئے صحافی کالونی ان کی رہائش گاہ پر تشریف لائے۔ اور حافظ شفیق الرحمٰن کی عیادت کی اور ان کی کامل صحتیابی کے لیئے دعا کی ، جناب مجیب الرحمٰن شامی بے شمار محاسن کا مجموعہ اور اوصافِ حمیدہ کے پیکرِ متحرک ہیں ۔ حافظ شفیق الرحمٰن کا تعلق 1974 ء سے جناب مجیب الرحمن شامی صاحب سے ہے ۔ مجیب الرحمٰن شامی نے حافظ صاحب کی صحت و تندرستی کے لیئے دعا کی اور کہا مولائے
کریم حافظ شفیق الرحمٰن کو صحت و عافیت کے ساتھ سلامت رکھے۔