ڈی آئی خان؛ فائرنگ کے واقعات میں پولیس اہلکار، ایف بی آر ملازم سمیت 5 جاں بحق

ڈی آئی خان: ڈیرہ اسماعیل خان میں مختلف مقامات پر فائرنگ کے واقعات میں پولیس اور ایف بی آر اہلکاروں سمیت 5 افراد جاں بحق جبکہ 2 پولیس اہلکار زخمی ہوگئے۔

پولیس کے مطابق تھانہ یونیورسٹی ٹاؤن کی حدود میں نامعلوم مسلح موٹر سائیکل سواروں نے فائرنگ کی، جس کے نتیجے میں 4 افراد جاں بحق ہوئے۔ جاں بحق افراد میں ایف بی آر کے 2 اہلکار اور 2 شہری شامل ہیں۔

دوسرے واقعے میں گلستان چوک ہائی وے پر نامعلوم موٹر سائیکل سواروں نے پولیس موبائل کو نشانہ بنایا، جس کے نتیجے میں ایک پولیس اہلکار جاں بحق اور 2 اہلکار زخمی ہوگئے۔

واقعے کے بعد پولیس نے مختلف پہلوؤں سے تحقیقات شروع کردی ہیں، جبکہ ملزمان کی تلاش کے لیے بھی کارروائی جاری ہے۔