اشرف خان کی کمپنی پریمیئم ایم کیپیٹل کے زیر اہتمام دبئی میں کینوس ٹاور کی شاندار لانچنگ

دبئی : معروف کاروباری شخصیت اور پریمیئم ایم کیپیٹل کے اونر اشرف خان کے زیر اہتمام دبئی میں لاہور کے جدید رئیل اسٹیٹ منصوبے کینوس ٹاور کی لانچنگ اور انسٹالمنٹ بریفنگ کے سلسلے میں پروقار تقریب منعقد ہوئی، جس میں دبئی کی معروف کاروباری شخصیات، سرمایہ کاروں، سماجی شخصیات اور میڈیا نمائندگان نے بھرپور شرکت کی۔
تقریب کا آغاز تلاوتِ کلامِ پاک سے ہوا، جس کی سعادت ڈاکٹر اکرم شہزاد نے حاصل کی، جبکہ نظامت کے فرائض انصر اکرم نے انجام دیے۔ تقریب کے مرکزی سیشن میں اشرف خان نے کینوس ٹاور کے منصوبے، اس کے محلِ وقوع، تعمیراتی تصور، رہائشی و کمرشل مواقع اور انسٹالمنٹ پلان کے حوالے سے شرکاء کو تفصیلی بریفنگ دی۔
اشرف خان نے کہا کہ بیرونِ ملک مقیم پاکستانیوں کو پاکستان میں جدید رئیل اسٹیٹ منصوبوں سے متعارف کرانا اور انہیں سرمایہ کاری کے مختلف مواقع سے آگاہ کرنا وقت کی اہم ضرورت ہے۔ انہوں نے کینوس ٹاور کی خصوصیات اور منصوبے کے مختلف پہلوؤں پر روشنی ڈالتے ہوئے شرکاء کے سوالات کے جوابات بھی دیے۔
کینوس ٹاور الکبیر ڈاؤن ٹاؤن، مین رائیونڈ روڈ لاہور میں جدید ہائی رائز منصوبے کے طور پر متعارف کرایا جا رہا ہے، جس میں رہائشی اور کمرشل اسپیسز کے ساتھ جدید طرزِ زندگی کی سہولیات فراہم کرنے کا منصوبہ ہے۔
تقریب کے دوران کینوس ٹاور کی جانب سے نمایاں شخصیات کو اعزازی شیلڈز بھی پیش کی گئیں۔ نثار خٹک، سردار جاوید یعقوب اور جناب فاروقی کو خصوصی اعزازی شیلڈز سے نوازا گیا۔
شرکاء نے کینوس ٹاور کے منصوبے میں خصوصی دلچسپی کا اظہار کیا اور اس کے انسٹالمنٹ پلان، رہائشی و کمرشل مواقع اور دیگر خصوصیات کے بارے میں معلومات حاصل کیں۔ تقریب خوشگوار اور پروقار ماحول میں اختتام پذیر ہوئی۔