سکھر پولیس کا جرائم پیشہ عناصر کے خلاف کریک ڈاؤن، اسلحہ سمیت 2 ملزمان گرفتار

سکھر (رپورٹ اسلم سومرو): ایس ایس پی سکھر احمد چوہدری PSP، QPM کی ہدایت پر سکھر پولیس کی جانب سے جرائم پیشہ عناصر اور غیر قانونی اسلحہ رکھنے والے افراد کے خلاف کریک ڈاؤن جاری ہے۔ اس سلسلے میں تھانہ اے سیکشن پولیس نے مختلف مقامات پر کامیاب کارروائیاں کرتے ہوئے اسلحہ سمیت دو ملزمان کو گرفتار کرلیا پولیس کے مطابق گرفتار ملزمان عابد تھیبو اور علی حسن برڑو شامل ہیں، جن کے قبضے سے بغیر لائسنس کے دو عدد ٹی ٹی پستول، میگزین اور گولیاں برآمد کی گئی ہیں۔ پولیس نے برآمد ہونے والا غیر قانونی اسلحہ قبضے میں لے لیا تھانہ اے سیکشن پولیس نے گرفتار ملزمان کے خلاف سندھ آرمز ایکٹ کے تحت مقدمات درج کرکے انہیں تفتیش میں شامل کرلیا ہے۔ پولیس حکام کے مطابق گرفتار ملزمان سے مزید تفتیش جاری ہے اور تفتیش کے دوران مزید انکشافات متوقع ہیں ایس ایس پی سکھر احمد چوہدری نے پولیس افسران کو جرائم پیشہ عناصر کے خلاف کارروائیاں مزید مؤثر بنانے اور شہر میں امن و امان کی صورتحال کو بہتر رکھنے کے لیے اقدامات جاری رکھنے کی ہدایت کی ہے۔