بولان، بھاگ: مسلح افراد کی شہر میں داخل ہونے کی اطلاعات، مختلف مقامات پر فائرنگ

بھاگ: بولان کے علاقے بھاگ میں آج صبح مسلح افراد کی بڑی تعداد کے شہر میں داخل ہونے کی اطلاعات موصول ہوئی ہیں، جس کے بعد مختلف مقامات پر فائرنگ کا سلسلہ جاری ہے۔

ابتدائی اطلاعات کے مطابق مسلح افراد کی جانب سے پولیس تھانے اور ایک بینک پر حملے کی بھی اطلاعات سامنے آئی ہیں، جبکہ علاقے میں فائرنگ تاحال جاری ہے۔

فائرنگ کے باعث شہر میں خوف و ہراس پھیل گیا ہے۔ ابتدائی طور پر کسی جانی نقصان کی اطلاع نہیں ملی، تاہم صورتحال کے حوالے سے مزید معلومات کا انتظار ہے۔