چمن اور گردونواح میں زلزلے کے جھٹکے، شدت 3.5 ریکارڈ

چمن اور گردونواح میں زلزلے کے جھٹکے، شدت 3.5 ریکارڈ

چمن: چمن اور گردونواح میں زلزلے کے جھٹکے محسوس کیے گئے، ریکٹر اسکیل پر زلزلے کی شدت 3.5 ریکارڈ کی گئی۔

محکمہ موسمیات کے زلزلہ پیما مرکز کے مطابق زلزلے کے جھٹکے دوپہر 1 بج کر 16 منٹ پر محسوس کیے گئے، جبکہ زلزلے کی گہرائی 12 کلومیٹر تھی۔

زلزلے کا مرکز چمن سے جنوب مغرب میں واقع تھا۔ تاہم زلزلے کے باعث کسی بھی جانی یا مالی نقصان کی فوری طور پر اطلاع موصول نہیں ہوئی۔